Back Zheng He Afrikaans ዠንግ ሄ Amharic Zheng He AN تشنغ خه Arabic زينج هى ARZ Zheng He AST Zheng He AVK Çjen Xe Azerbaijani ژنق هی AZB Чжэн Хэ Bashkir
Dr Zhèng Hé (chin. 鄭和 / 郑和, W.-G. Cheng Ho), Geburtsnaame Mǎ Sānbǎo (馬三寶 / 马三宝), muslimische Naame Haddschi Mahmud Schams (arabisch حجّي محمود شمس, DMG Ḥaǧǧī Maḥmūd Šams; * 1371 z Kunming in dr Browinz Yunnan; † 1433 oder 1435) isch e chinesische Admiral gsi.
Dr Zheng He het zwüsche 1405 und 1433 mit groosse Flotte siibe groossi Expedizioone im Pazifik und im Indische Ozean gmacht. Uf deene het er nit nume mit Erfolg Seeröiber bekämpft, sondern au d Meer bis uf Arabie und Ostafrika erforscht und d Machtaasprüch vom Riich vo dr Middi au milidärisch duuregsetzt. Für d Nawigazioon het er dr Kompass brucht und sini Dschunke si uf deene Räise mee as 50'000 km wit gseeglet.[1]
Noch em Dood vom Zheng He isch d Flotte stillgläit worde, China het aber witer Seehandel driibe und isch die bedütendsti Seehandelsmacht in Ostasie gsi, bis dass es noch dr Niiderlaag im Opiumchrieg 1842 si Hegemonii verloore het und d Öiropäer iiri Macht in Asie häi afo uswite.
- ↑ ZDF Expedition, 1. Oktober 2006